Wednesday, October 14, 2009

男人.讓人無法忍受的

還是有一些男人, 叫人想死的…不要說跟他談情說愛, 單是做個普通過普通的朋友也讓人忍受不住。

第一點, 他強調自己很有錢。讀書時代兼職已賺十多萬一個月, 而且父母早年移民外國, 他早年已經是一名業主了。他說自己常到法國、意大利買名牌手袋, 人家見他樣子不像有錢人, 於是他拿出AE Centurion Card, 名店SALES即時把他看成貴客, 他強調︰「Centurion Card, 你知係咩野?」我知道佢都係一張要找數既黑色信用卡囉!雖然是身份「顯赫」的人BY INVITATION才會擁有, 但我深信他那張會是一張附屬咭囉。他也最少三次提到家中的工人, 其實請個菲傭都唔係好貴即!

第二點, 他強調自己很有見識。他提到早年當上導遊已經環遊了全世界…但當導遊跟去旅遊是兩碼子的事情, 當然都是到外地見識見識, 不過…我從未見過導遊開心的笑過, 因為同樣的地方遊幾萬次, 不同的麻煩又奇離的客人只會令他們想死多一點。當被問及想移民那個地方的時候, 他說︰「台灣, 因為很有文化。」唔該晒! 他本身是做某家公司的經理, 年輕有為, 每年出三十個月糧, 而且他為新一代的大學生感到可惜, 因為人家要等他大哥升職才有位上喎… 可是, 地球上仍有很多公司喎, 大哥!又, 他又提到香港人什麼也COMPLAIN, 其實政府做得勁好云云…又他又提到內地藝術文化水平勁高, 僅次於柏林…我心裡只是想起那些奧運與國慶開幕的大紅大紫, 又想起會爆炸的Hiphone, 還有那些一起就塌的橋和樓宇, 還有很多很具「創意」的膺品… 他還加上一句︰「你有冇去過北京, 上海睇什麼什麼…你都冇架喇…你冇見識過….」我即時想爆佢樽, 唔該!

第三點, 他強調自己很有品味。他說自己有很多很多靚衫, 早上起床時一定會聽歌, 即磨新鮮的咖啡, 選一套配合他心情的襯衫, 他有很多很多衣服, 多得有一個房間去放, 甚至要送給工人的兒子, 而且他又有很多名錶…. 他自覺生活很講究, 用Mac Book, Blackberry…就很pro了…不過, 他卻不懂得操控這東東的!

第四點, 他強調自己還很年輕, 又是單身, 但又有女溫。他強調自己有樓, 還說︰「我獨居, 但唔等於我單身。」我又想爆佢樽, 女人呀女人…可以不如此縱容一個男人嗎?對於一個女人, 他連說自己有女友都說得如此輕佻, 彷彿自己很自由很無敵那樣…!一隻無腳既麻甩佬, 再有錢也是會孤獨終老的!

唉!我深信有品味有教養的人, 不需要動不動把自己的錢掛在口邊, 又問人︰「你知唔知乜乜乜乜係咩野?」「你有冇去過乜乜乜乜」「你有冇乜乜乜乜」如果有錢的男人都是這樣的話, 我情願要一個窮書生好了, 畢竟會發生家庭血案的機會會大大降低, 也可以減少我爆血管的機會, 一舉兩得。

不過, 這樣想也是多餘的。因為一個既主觀又不會妥協的女人, 應該不會有這樣的男人嫌命長主動找死的!

哼!

9 comments:

Gavin said...

對於膚淺之人, 何需掛齒?

The Sweet Piscean said...

都是有感而發...呢個世界真係咩野人都有...

Gavin said...

再睇多次時, 竟然覺得佢有d interesting, 佢既內心可以如此空洞...

Dan said...

咦咦~~ 呢個極品黎架o番~~~ 咁都俾你遇到, 你要買下六合彩了~

The Sweet Piscean said...

還有很多想爆佢樽的內容...

1. 如他自覺很懂得保護皮膚,常做FACIAL,個樣好後生...(亦同佢既打扮有關)...但佢強調呢D野...好煩囉...佢。仲。會。節。食。架

2. 佢成日講自己O係名店買D好貴既西...8千幾銀著左幾次又唔要...

3. 又覺得自己好有文化...內地點起飛..美國市場又幾大幾巴閉...

真係...好煩...因為佢每一句野都會加「你知唔知丫...你都唔知架啦...」

打爆佢...

Gavin said...

新同學仔?

The Sweet Piscean said...

若是其他人, 我閃左好耐啦...

Anonymous said...

好好好好好笑.
但你又不是要跟他做人世,管他呢?!

月尾要飛,回港後再聚。
ee.

The Sweet Piscean said...

有感而發...

最近, 想起你的「鏡子效應」...希望有時間寫寫。