瘦身代言人？(二)

我想..大概你們還在猜, 到底既無聊又無知的我會否墮入Telemarketing的圈套。好了, 瘦身代言人的故事繼續講…

我站起來, 店員B細緻地打量我…然後又問︰「妳一個星期最少做2天運動嗎？怎麼大腿跟小腿也可以這樣結實？妳手臂有沒有拜拜肉？」
我舉起雙手說︰「這樣搖手的話也該有一點點拜拜肉…」
她說︰「那不是拜拜肉, 是「老鼠仔」(！)…嗯！妳個Call機位有肉要修身呀..」
我問︰「Call機位？」
她指著我腰間的一點贅肉, 很興奮地說︰「這裡呢…妳點做運動都減唔到, 嚟我地公司做返Treatment同洗幾次腸(！), 包妳fit哂…哈哈！哈哈！」

我又坐下來, 店員B拿出計數機問︰「妳到底想減幾多？要做代言人就要一個月最少減十三磅, 定係妳想做靚個身形先？」
我說︰「…其實我自己沒想過要減幾多喎, 係你公司Marketing有人打電話比我囉…」
店員B說︰「傻妹, 妳仲諗咩嘢？好, 我仲有第二個PLAN。嗱！妳可以有個Flexible啲, 呢個唔係做代言人, 妳可以自由咁慢慢減, 見妳咁好傾我送(！)四次營養師加十次Treatment比妳, 再Free妳洗多幾次腸(！！), 不過我好多客都接受唔到洗腸, 其實好簡單, 只需要放支管入肛門度洗腸, 既簡單又可以刺激腸臟蠕動..呢個PLAN都係HKD13K唧！」(OMG…@__@”)
店員B開始不耐煩, 目露出光地問︰「點吖？仲諗？如果妳可以日日嚟做機嘅, 可以JOIN另一個好抵嘅PLAN, 一個月HKD3K, 可以每日(！)做一個小時嘅做機, 日日做機勁抵(！)…之後可以再加PLAN！」
我心想︰日日做機？還要加PLAN？她說我最少減八磅, 最多減十三磅, 但之前個PLAN都只是一星期做兩次機, 那麼日日做機, 我會唔會剩返一棚骨？然後我說︰「錢唔係問題 (突然扮成很豪爽的樣子), 我係冇信心, 我都未試過去呢啲專業減肥中心…我要諗吓先。」
店員B開始極不耐煩說︰「仲要諗？好…我仲有一個限定五十個名額的 PLAN, HKD500一個月…」
我大驚︰「吓？妳仲有PLAN？HKD500？」
店員B說︰「係HKD500, 不過最少要JOIN六個月。」
我問︰「HKD3,000同HKD500 x 6, 有什麼分別？」
店員B續說︰「都係好抵囉(！), 而且我知妳冇信心, 可以先試一試我哋最新既儀器, 好多客信心多咗之後會俾幾萬甚至十幾萬去搵我哋隆胸呀、抽脂呀、整容呀…」(嘩？隆胸+整容？-____-" 但我一直都走「氣質才女型」(！)路線？不應該是硬膠大胸脯的人工美女噢！ ) 我說︰「隆胸？整容？我又唔係明星, 唔需要咁博命呀？我都係返屋企諗諗先…」
店員B的樣子似想爆我樽, 又說︰「仲諗咩嘢？」
我連聲說︰「呀！妳條鏈好靚, 我會返去認真考慮…想通再找妳呀…唔該！拜拜…」就這樣完結我的代言人故事, 也消耗了我一個小時的時間。