失戀後遺症

其實我跟男友分手已經好一段時間了(屈指一算已經三個月了吧？), 為什麼…還是會有些後遺症影響著我呢？好灰啊！

便是最近兩個月, 我的皮膚狀態急轉直下, 一天比一天差…最初是爸媽寸我太夜睡覺, 於是面上有幾顆暗瘡; 然後慢慢有同事開始「關心」我的皮膚起來, 問我有沒有做facial, 我說我現在正在食幾千元一個月的健康食品護膚還未夠？我的beauty consultant又說是排毒反應來的, 正常正常…接著情況開始惡化了, 面上長了不少顆粒(!!), 然後同事爭相介紹自己的護膚品給我, 又叫我要食呢樣食嗰樣, 好好好…得得得…

昨天, 我終於忍不住看中醫, 醫師說︰「施主, 妳個脈象(又)有點鬱悶喎？但似乎腸胃可以,可能是賀爾蒙的問題。」我大驚︰「吓？」醫師問︰「妳的皮膚突然變到咁差, 妳早前是不是很太壓力呢？抑或好唔開心？」我灰爆, 說︰「醫師, 我。失。戀。呀。但我已經完全無事了, 為什麼賀爾蒙還有問題？」醫師說︰「啊! 那麼這是正常的反應, 我開幾劑藥幫妳清清腸胃…」藥吃了, 腸胃竟然無事？皮膚繼續差…

今天, 慘絕人寰的事情終於降臨我身上…我老闆問︰「C, 為什麼妳面上那麼多暗瘡呢？妳之前的皮膚好好的啊？我個女都係咁樣, 不過佢細妳好多(!!)喎…」我($%#$%^$#^#$%^$)︰「啊!是嗎？壓力大呀…已經睇緊醫生食緊藥, 我…ar…」老闆說︰「不如妳放假回家休息啦？好過一粒二粒...」我︰「…」然後看過西醫。醫生說︰「啊…是賀爾蒙失調, 是工作壓力太大嗎？」我死死氣︰「之前失戀呀…醫生, 救我呀！我就黎比我身邊的人迫到我癡線？日日問我做乜生暗瘡…呀呀呀呀呀呀呀呀… …救我呀！救我呀！」醫生說︰「是要很長時間才會好返, 因為妳唔開心導致身體失調, 最少要四!個!月!…」我猶如跌入萬丈深淵, 說︰「要。咁。耐。呀???」然後, 我拿著那大大包藥, 回到公司…

友問候我(因為除了皮膚差之外, 我還有頭痛, 頭暈, 咳, 聲沙…= 就死！), 我說︰「連我老闆都忍不住問我的皮膚呀…呀呀呀呀呀呀呀…點解我今次會變成這樣呢？又唔係第一次失戀？我都無事啦？？點解？」友說︰「或者有拖拍會好返喎？」我灰晒︰「係囉！我現在的樣子…找個男人, 說︰你同我拍拖丫, 我拍左拖就會靚架喇, 等我丫, 拍住先丫..好唔好？但事實上, 男人是超現實及注重外表的動物, 那裡找來一個聖人同我精神戀愛先？而且, 我的問題也不知道醫唔醫到…哇哇哇!! 哇哇哇!! 哇哇哇!! 哇哇哇!!」