Wednesday, March 26, 2008

關於朋友

**認識我的人都知道, 我沒有太多朋友, 或者該說是沒有什麼「歷史悠久」的朋友。一般來說, 我只有認識了幾年的「新」朋友 / 網友(!) / 前男友的友 / 朋友的友 / 同事 / 舊同事等等, 相熟的大學同學也有幾個, 仍保留聯絡的中學同學有幾個, 仍保持聯絡的 - 是「零」!小學同學呢?也是「零」。

**我的朋友不相信健談好動的我沒有朋友, 但這些並不是什麼需要謊話去掩飾的事情。便是我的性格是從不主動聯絡, 也不積極參與, 合則來、不合則去…不去強求, 慢慢地我忘記了如何跟別人維繫友誼, 最後剩下來的便只有相熟的幾個。(灰!)

**看見別人都有一堆又一堆的中小學同學, 偶爾也有一點點的傷感。於是, 別人帶我認識新的朋友, 我都努力融入其中, 便是我也很喜歡大夥兒的活動, 感覺很有活力也令人開懷。

**我喜歡聽別人的故事、工作的奇遇、或是一些個人的感受。認識新的朋友, 給我機會聆聽新的故事。

**樂壇天后容祖兒是我的舊同學, 朋友喜歡問我還有沒有跟她聯絡。我跟她不太稔熟, 僅有幾張合照也記得小時候她家裡的電話號碼。

**最近發現小學的其中一位好友梁宇聰 (從前的豆丁, 竟成了一位181cm高的大漢!), 原來是香港棒球隊的隊長, 近來參與了電影《無野之城》, 跟女主角董敏莉鬧緋聞。記憶之中, 他曾經待我很好, 幫我寫過兩篇大楷;當我嘔吐在他的書桌時, 他還會遞上紙巾又給我掃背;當別的同學嫌我寫Copybook太慢的時候, 他會撐我「慢工出細貨」(!) 陳年的事情, 我卻記憶猶新, 最近很想很想見見他, 跟他道謝!

**多得Facebook, 我找回我的童年。

**一位小學同學從澳洲回港旅遊, 十多年沒有見面, 他在我的印象中仍是一個十歲的小孩(!), 想像不了原來他的男人聲會是這樣的。另一位小學同學今天給我打了個電話, 說︰「喂!陳xx, 我係溫yy呀!」(我個全名!…一.一”) 很久沒有給人叫我的中文全名, 感覺有點寒意(!), 我們說起小學時到她的家裡講鬼故的事情 (我記得我當年驚到夜晚發惡夢囉!)…她告訴我原來她/他們之前也有小學同學聚會, 只是我跟其他人失去了聯絡…所以不知道呢!(噢!)

**明晚第一次小學同學聚會, 心情既緊張又興奮呢!

5 comments:

Gavin said...

回憶, 長久的友情(交情? 打交的那種交...)又或是兄弟姐妹情. 都不是別人給予的. 是要自己爭取回來. 並將之維繫. 小時候不明白這道理的你, 如今開始學懂, 那就要好好珍惜囉.

做人"re-do"的機會不多, 有就要好好利用了.

Wish you have a good start on tomorrow nite.

Anonymous said...

你所講既好友梁宇聰, 佢已經結左婚有埋個仔啦

The Sweet Piscean said...

我都想恭喜佢既...
始終咁多年冇見面, 想知道下佢既近況即...
多謝lady既update, 但你係佢邊位呀?

Anonymous said...

我係佢地2公婆既朋友, 我見你向個blog到話識佢又話佢拍野鬧緋聞, 我先向你個blog 到留message姐, 你睇下......http://winyanyanwinnie.spaces.live.com/....佢地好好, 你唔好亂講野啦~

The Sweet Piscean said...

多謝妳咁熱烈支持留言比我。其實梁宇聰係我小學既同學,我同佢已經失去聯絡左17年,係最近睇報紙先知佢拍戲(http://hk.movies.yahoo.com/news_detail.html?id=c7213cfdd5083f29237a5d92878301b7),而且我唔知佢結左婚,原本小學同學聚會想搵佢一齊見面講講近況。不過,知道佢有個好似妳咁好既朋友,我都唔敢再見/再講/再提佢喇...

而且,同佢失散多年,原來想Keep Contact,(我亦冇佢Contact...)見到小學同學們冇人講佢結左婚,只係我見到報紙既報導即.不過,作為佢地朋友既妳,亦都唔駛再黎我個blog度亂講野,因為我唔想再聯絡佢啦...我只係小學同學即,無心亦無意傷害一個曾經好關心我既小學同學.至於佢身邊既人,佢地唔理我..我都唔會理佢地既.

多謝關心。Anyway,佢個仔好得意.唔該幫我恭喜佢啦.我係佢小學3年級坐佢隔離.佢應該會記得我既.