Wednesday, November 26, 2008

回轉基督徒 之 NSUM

多謝大家關心, 我已經(又) 回轉成為主內的基督徒。

回轉基督教後, 大家都忽然變得很關心我的種種, 我以為大家會問我主內有多喜樂。很。可。惜!你們都不約而同問我同樣的問題︰「係咪唔會婚前性行為(No SEX until MARRIAGE, 簡稱為"NSUM")?」

某男性友人A曾說︰「唔媾基督徒啦, 冇得搞野, 男人來說是不可能的, 而家咩野世紀呀?玩精神戀愛?好多男人冇得搞即閃, 我最最最多都係等條女七個月, 都冇得搞就走人啦!」又某某男性友人B問︰「某女跟前男友分手, 是不是她不肯和他搞?否則…冇可能的!男人冇可能會飛咗好似她咁靚嘅女仔!」他續說︰「男人要…要比他先得…可能係她唔比, 他就飛了她囉!」男人, 真的會這樣想嗎?

也許, 大家心目中的基督徒=無性行為=悶+Dry+保守, 就這個題目我跟友在電話爭論了一個小時!我說︰「NSUM冇問題, 假若男人都是為了搞野而媾妳, 到頭來搞完都會算架啦, 咁不如唔駛開始!一了百了。我的教友說︰「SEX是 神賜給人的禮物, 是應該to be shared with your love one (即老公!) 而男朋友則會開始又分手呀, 所以不可以。SEX是兩個人很親密的行為, 感情的昇華也是兩個人的喜悅, 但人就是manipulate了這本能。」友說︰「就係妳地d女仔成日以為搞左就好intimate, 其實拍幾耐拖就係拍幾耐拖的relationship, 不會因為有SEX就會變得close左!」我說︰「那麼更不需要搞啦!如果有SEX同冇SEX係一樣的話, 男人點都會厭倦同一個女人搞, 根本就不需要有個老婆。」

昨晚又有個男的問︰「NSUM?」我說︰「是的!NSUM沒有什麼不好丫, 就像有些男的知道妳是基督教就走人啦, 可以screen左一d賤男。你亦可以不用再跟我說話啦, 唔駛嘥時間在我身上, 我明喎!外面大把女仔唔會NSUM, 要搞話咁易啦!尤其是女多過男, 而家男人好矜貴架!你唔好理我喇…」他說︰「我都要選擇架!傻妹…」我都是實話實說, 不代表我傻囉!!

唉!又…要說的是…有個單身男性友人說︰「我唔急呀…我條件好, 大把女比我選擇。」這樣的說法, 聽罷令人心寒(!!)…愛情是這樣的嗎?像是一個有錢佬走進超級市場買東東那樣, 大叫︰「我樣樣都買得!」

在我眼中, 愛情不應該是這樣的, 那是因為我是個基督徒嗎?我還是喜歡主內的愛情觀, 至少多一份對愛與婚姻的尊重, 眼見主內見證的婚姻, 都是一張甜蜜幸福的笑臉, 不像某些未婚有餡結婚的一張哭喪臉孔。脫離世界的價值觀, 其實沒有什麼問題!

找不到好的男人, 唔嫁又有乜所謂?

6 comments:

Gavin said...

哈. 跟本就自相矛盾. d 基督徒... share with your love one, love one 就等於老公? 唔可以係男友or 女友? okok, 拍拖太過easy come easy go? 結婚又何來不是, 試問有幾多基督徒都係結婚幾年又離婚, 跟住又結婚? 若果佢地咁都認為無問題, 咁唔該佢地重新講一次. 係share with love ones...

同基督徒拍拖既最麻煩之處係佢地有好多stubborn 又矛盾既guidelines 要follow, 而其中最影響到另一半既. 就係nsum 囉. 咁每個人最concern 呢樣野都唔出奇. 食飯前要謝飯, 對男仔有乜所謂? 仲好啦. 你遲d 先開始食, 我可以夾送先. :P

The Sweet Piscean said...

教友說:one love, one life.

真正的基督徒,不會講離婚的。

不過,神希望人是這樣,人畢竟是人...也不是樣樣都跟得到。也有一些基督徒因為犯了姦淫(如包二奶/搞婚外情)咁樣,比人踢左出教會的。

至少,這樣可以減少九成賤男埋身先啦,why not?謝飯...我仲學緊...有時會忘記左就開始食食食。

Gavin said...

真正的基督徒. 哈. 何以為真正? 只不過是一班"基督徒"組成的教會所定下的定義罷了.

忍得, 唔等於係好人. 唔忍得, 亦不見得係賤人. 食色性也. 係你地將呢樣野睇得咁重要o者. 若果分辨一個人係好定唔好係用上唔上床黎分, 咁都幾大濟. 唔明白你地d 女仔, after all 話自己suffer 左咁多. 但就仲唔去磨練下自己閱人既技巧... 唉.

The Sweet Piscean said...

在我心目中,基督徒不單是一班返教會媾女的麻甩仔/佬,不是口裡相信心裡又是另一套的人。我返教會是希望了解神更多,建立好與神的關係,留戀世界只會被自我所擊倒而變得墮落。我沒有干預你的信仰,你也不應該來踩場。

每一個人都有自己的經歷,能這樣說「磨練下自己閱人既技巧」去踐踏別人嗎?你沒有跌過眼鏡睇錯人嗎??你可以有一天不自負嗎?我努力做自己應該做的事情有什麼問題?神會令我玩ons/叫我殺人/呃人/講大話嗎?你沒有宗教信仰,那代表你很厲害嗎?你的心態沒有問題嗎?

問題不是「忍不忍得」,食色性也, 誰不知道?反而是不是大家ok有feel就來,來完發覺冇feel又分手?你厭唔厭...?你唔係女人,你知道一個女人將性與愛無法分開嗎?男人可以叫雞,even打飛機都可以高潮,你說︰「係你地將呢樣野睇得咁重要o者」我會為你女友默哀一分鐘!

要說歪理的,請別那麼大聲!

The Sweet Piscean said...

男人說自己性開放,但又希望個女仔唔好咁多ex-!

你地係咪有問題丫?

Dan said...

最近重看了電影 "十面埋伏", 很喜歡當中的一句對白: "女人不願意做的事情, 不能勉強".