Wednesday, October 24, 2007

社會的錯

不夠瘦不夠高沒有大胸脯的人有罪嗎?長得不夠漂亮又有問題嗎?沒有「傳統」美女瀑布般的長直髮可算是過失?到底是這個社會容不下我, 還是我無法接受這些「標準」?身邊的人總有些叫人討厭的習慣, 便是喜歡品評別人, 又喜愛「關心」別人。

今天下午在Pantry碰上清潔嬸嬸, 她問候我︰「阿妹, 妳最近係咪肥咗呀?」我勉強擠出一個微笑, 說著︰「係呀…哈哈...係掛…哈哈…唔知呢…」誰知清潔嬸嬸還不願放過我︰「係喎!件衫加上條褲, 睇落真係肥咗…」當我想側身急步奪門而出之際, 以為某女同事出現可以幫我解圍, 誰知她卻令我跌入另一個萬丈深淵!!她跟清潔嬸嬸說︰「女仔好…介意比人話肥咗/_\妳唔好咁講啦…」我佯裝聽不見, 然後快步逃出pantry返回自己的安全位置。

我深深地歎了一口氣︰「唉…」想起幾天前跟朋友聊天, 他把新女友的照片給我看︰「咦!佢比上次張相瘦咗咁多嘅?」他頗滿意地說︰「係呀!最近佢食咗隻減肥藥好effective, 乜妳剩係見佢個樣都已經知道佢瘦咗…」我問︰「隻減肥藥係咩牌子?」豈料他這樣回應我︰「妳而家先想減肥?妳都肥咗咁耐啦…Hahaha…」這話真令人氣結!除了立即離線, 我再也想不到自己可以如何回應他了。

又有一些很關心女性朋友的男性朋友們 (多於一個!), 不時會問候我︰「妳今日個胸細咗!」(!) 又或者有時他又「發覺」我的身材有異, 又問︰「妳今日個胸好似大咗…」(!) 其實想說的是, 女人的身材是會隨著女性的生理週期而有「些微」轉變, 實在不用大驚小怪 (這是因為我身體健康!)…或者如此直接地問候我…(!) 難道他們會覺得告訴我這些, 我沒有所謂麼?我!有!所!謂!

別人時常問我喜歡怎樣的男人?便是一個可以讓我無憂無慮地生活的男人…
當我和他一同晚飯的時候, 他不會問我︰「妳唔怕肥呀?」
當我剪短頭髮的時候, 他不會說︰「我還是覺得女生留長直髮好看!」
當我搽黑色指甲油的時候, 他不會向我板著臉問︰「妳可以不搽指甲油嗎?」
當我選衣服的時候, 他不會全自動的說過不停… …
當我想哭的時候, 他會讓我靠在他的肩膀又給我紙巾, 不會看著我的花臉貓樣說︰「妳的眼線…仲有妳對眼腫晒(!)… …」或是說︰「妳的眼淚弄濕了我的名貴西裝…」
當我病榻在床的時候, 不會到我家探望我時說︰「妳個樣好殘(!)…點解妳間房咁細(!)嘅…」

您以為這些對白會是我捏造出來麼?
不要告訴我, 這是香港社會的錯…給我留一線希望, 好嗎?

2 comments:

Anonymous said...

唔知你講緊既其中一個朋友係咪我. if 係我的話. 我要declare 一d 事情.

1. 我話"係呀!" 既時候並無"好滿意地說". 任何一個識得我既人都知我唔mind 女朋友係少肥, 只要肥得健康, why not?

2. 我話"係呀" 只係回應你講, 我女友瘦左. 我驚訝並唔係因為佢瘦左. 係因為你只係睇相就睇得出. 而佢d 相多數都唔係全身相. 只係影個頭居多.

3. 我"hahaha"咁笑. 係笑你. 一邊話, 唔會同呢個社會主流同流合污, 但同一時間地, 你一聽到有有用既減肥藥, 又比任何人都要快同大反應. 好矛盾囉. 我話"你都肥左咁多年", 即係話, 你咪係你囉. 你咁多年都係咁. 做乜要改變呢.

4. btw. 我唔讚成佢食藥減肥的.

5. 肥咪肥囉... 洗死咩. 一.一"

The Sweet Piscean said...

Of cuz that's u...the conversation we had was the "Exact Wordings"...of what we discussed that nite.

I have to thank you for ur clarification. u make things much clearer now!! My friend...^^