Tuesday, October 28, 2008

發現新大陸?

昨夜跟幾位友聚舊, 他們有些接近三年沒有見過我, 有些則是大半年前見過面。他們不約而同地說︰「C, 妳好像有點不一樣。瘦了嗎?人也好像比以前開朗和獨立?」我說︰「嗯!是嗎?」

然後幾個女生說著選老公的事情, 便是其中一個女生明年便要結婚了。她甜絲絲地說︰「我也有其他男生追求, 不過秤過計過還是現在的男友比較好。他跪下向我求婚時, 我大叫撞鬼撞鬼…哈哈!哈哈!」我問另一個拍拖十多年的女生︰「妳有想過跟他結婚嗎?」她說︰「也有其他條件比他更好的男生追求我, 不過我似乎真的很愛他, 就是不想要其他男人。」這樣的愛情真令人羨慕呢!

又有一個女生說︰「我男友愛我多過我愛佢, 佢冇可能飛甩我囉!而且, 我的生活圈子很大, 要認識有質素的男人一點也沒有困難!結婚嘛…唔…ah….ar…遲一點先算啦, 我和他都有自己想追求的東西。」

一點也沒有困難?聽罷, 我有點驚訝…忍不住問那個年紀比我小一歲的她︰「為何妳那樣瀟灑淡定有錢剩?」她說︰「識男人要講Network, 我個Network夠大, 時時認識到有質素的男人, 一點困難也沒有!」我說︰「但, 妳只是Window Shopping時發現地球上有Ferrari, Lamborghini, Maserati, Porsche, Mercedes而已, 那代表妳能夠擁有它(們)嗎?上得到車嗎?又有技術駕馭得來而不會甩尾或者炒車?」 她又說︰「我覺得沒有難度囉, 是需要一點點相處的技巧, 不過我覺得還有大把(!)選擇。」另一位男友人說︰「妳呀, 單身先講啦!」那位女生又說︰「我男友…真的沒有情趣囉, 不過超專一… …愛情但好難講。佢真係好鍾意我囉!」

我說︰「妳知嘛?要識男人隨時落LKF都可以撈到幾個, 不過又有幾多個想同妳stand多幾個nights呢?那些「質素」奇高的CEO朋友又有幾多個仲available, 個個女仔都想識個有型有事業的男人, 但妳卻覺得個market大把貨?在我身邊, 實在有很多很多很多很多很多很多單身美女獨守空房, 一個(可)選擇(的)也沒有, 也不是參加什麼Leadership Course, 玩吓「YH!有鉛人」就會識到好嘢。Even比妳參加埋Speed-dating + Table for 6都一樣out of stock, 還是那一句「妳單身先好講嘢」。」

女友人聽罷, 仍然深信還有一個尚未開發的「高質單身男人森林」, 說︰「我下次搞party叫埋妳去, 妳就知道個森林有幾大!」我點一點頭, 說︰「等妳帶我去見識見識。」

5 comments:

Gavin said...

.... hentai.....個個都以為自己係公主, 排晒隊黎追佢, 懶得揀. 都係自己o個個算啦. 一d 就無米何不食肉糜... d 肉糜多到隨手可取. 是低能還是她是活在天堂? 還是簡單的來說, 她口中有質素的盤, 可能只係街邊庶民一個?

而家d 女仔d 諗法真係不敢恭維...

The Sweet Piscean said...

又唔係個個女仔又係咁樣...

只係有d真係未比人飛過又或者就上岸先可以咁豪邁,我就冇人排隊追啦。。。

她口中的好盤是CEO grade的,不過...她似乎真的好有「摘星」的信心喎?她的男人聽說是有點庶民feel的,但專一又愛她又是真的。好男人,不會很有型吧?

我只是需要一個我喜歡的踏實男人,有上進心,不需要是CEO囉,但也不會是庶民。

良禽擇木而棲...
想的確是這樣想的!嘻!

Gavin said...

上左岸, in the long run都可以跌返落水架o者, in the short run, 真係黑心d 講句, 未到簽紙o個一刻都可能有變數. 咁大聲講野, 到頭來有乜e 郁就喊都無謂.

有d 人以為人地同佢傾兩句計佢就以為咁就溝到仔掛. 人地咁有條件, 洗鬼揀佢咩. 若果係優質股, 又點會無人要.

專一, 愛佢, 一日未到認清那男孩的真面目前, 都可以係事實既. 但逆轉通常都只係需要一刻時間. 呢樣野你比任何人都清楚啦.

與其花咁多時間心機去諗摘乜星, 不如順其自然遇到乜野星就乜星仲好啦.

Anonymous said...

當有一天, 她們口中的"乖乖仔"突然變壞, 投入另一個乖乖女的時候, 唔知佢地會有咩感覺呢?

The Sweet Piscean said...

我想...不是個個都咁"黑仔"既...

而且以上的對話,她們的男友們是絕不知情的!